Colorín, coloráu, esti cursu ta fináu

Paez que foi ayeri cuando entrábamos pela puerta del colexu pa empecipiar el cursu y ensin danos cuenta yá tamos en xunu col añu escolar acabáu.

Foi un añu de novedaes, pa dalgunos el primer contactu cola Llingua Asturiana, profe nuevu pa otros… pero foi un añu estupendu onde espero que deprendiéramos un montón y qu’ensin dulda va quedar grabáu na mio alcordanza pal restu de la mio vida. Quería davos les gracies a toos per tol trabayu y l’esfuerzu mientres tol cursu, por saber convivir en clase y por llograr siguir el cursu cuando tou paecía perdíu.

Dientro poco vamos atopar nuevamente na clas de Llingua, toos xuntos, sanos y salvos, y vamos rir d’esta mala dómina que pasemos. Déxovos un cantar de despidida que vien abondo filada al momentu nel que tamos. Folgái, esfrutar y pasalo bien coles vueses families y amigos. Merecer. Un fuerte abrazu.